గొట్టాలతోనే గూఢచర్యం ...వీరితో జాగ్రత్తగా ఉండాల్సిందేనా మరి

కానీ ఈ "గొట్టం"గాళ్లకు ఈ డబ్బు సరిపోవడం లేదు. అదనంగా ఆదాయం కావాల్సి వచ్చి పుట్టి పెరిగిన దేశ రహస్యాలను విదేశాలకు విక్రయిస్తూ సొమ్ముచేసకుంటున్నారు. మొన్న జ్యోతి మల్హోత్రా అరెస్ట్ తో యూట్యూబర్ల అంటేనే ఒకరకమైన ఏహ్యభావం మొదలయింది. అదే సమయంలో అందరినీ కాకపోయినా వరసగా కేసులు నమోదవుతున్నాయి. సన్నీ యాదవ్ ను కూడా ఎన్ఐఏ అధికారుల అదుపులోకి తీసుకుని ప్రశ్నిస్తున్నారు. ఇక తాజాగా పంజాబ్ పోలీసులు యూట్యూబర్ జస్పీర్ సింగ్ ను పోలీసులు అరెస్ట్ చేసి విచారిస్తే అనేక రకమైన ఆసక్తి కరమైన విషయాలు వెలుగు చూస్తున్నాయి. కీలక విషయాలుబయటకు రావడంతో పాటు గూడఛార్య నెట్ వర్క్ కు అసలు సూత్రధారి పాక్ కు చెందిన మాజీ పోలీసు అధికారి అని జస్పీర్ సింగ్ పోలీసులకు తెలిపాడు.

నాసిర్ థిల్లాన్ అనే పాక్ మాజీ సబ్ ఇన్ స్పెక్టర్ ఈ గూఢచర్యం కేసులో కీలకంగా వ్యవహరించారని జస్బీర్ సింగ్ తెలిపారు. ఐఎస్ఐ అధికారికి తనను పరిచయం చేసింది కూడా థిల్లానేనని జస్బీర్ చెప్పడం విశేషం. దీంతో పాటు ఇటీవల అరెస్టయిన జ్యోతి మల్హోత్రాతో పాటు తాను కూడా లాహోర్ లో పది రోజులు ఉన్నానని వెల్లడించాడు. ఈ సందర్భంలోనే పాక్ కు చెందిన యూ ట్యూబర్ల గురించి తమకు థిల్లాన్ తెలియచేశాడని, అనేక మంది భారత్ కు చెందిన యూట్యూబర్లను గూఢచర్యంలోకి లాగడానికి పాక్ లో పెద్ద నెట్ వర్క్ పనిచేస్తుందని చెప్పుకొచ్చారు. ఇందులో మాజీ పోలీసు అధికారులు ఎక్కువ మంది ఉన్నారని కూడా చెప్పడంతో ఇప్పుడు యూట్యూబర్లపైనే అనేక అనుమానాలు కలుగుతున్నాయి. గొట్టంగాళ్లతో జాగ్రత్తగా ఉండాల్సిందేనన్న హెచ్చరికలు సోషల్ మీడియాలో ఎక్కువగా వినిపిస్తున్నాయి.