ఇలా వెళ్తే తక్కువ టోల్ ఫీజు అంటూ చూపించే యాప్

జాతీయ రహదారులపై వాహనాల్లో ప్రయాణించేవారు టోల్ ఫీజులు చెల్లిస్తూ ఉండాల్సిందే. కొన్ని చోట్ల సాధారణ హైవేలే కాకుండా ఎక్స్ ప్రెస్ వే ఉంటాయి. అలాంటప్పుడు టోల్ ఛార్జీ చాలా ఎక్కువగా ఉంటుంది. అందుకే తక్కువ టోల్ ఫీజు ఎక్కువ ఉంటే ఆ రూట్ వెళ్లాలని కొందరు అనుకుంటూ ఉంటారు. అలాంటి వాళ్ల కోసం, అతి తక్కువ టోల్‌ ఫీజును వసూలు చేసే దారి ఏదో తెలుసుకునే సౌలభ్యం ‘రాజ్‌మార్గ్‌ యాత్రాయాప్‌’ ద్వారా లభించనుంది. జులై నుంచి ఈ యాప్ అందుబాటులోకి రానుంది. ఢిల్లీ నుంచి లక్నోకు వెళ్లడానికి మూడు మార్గాలు ఉన్నాయి. యమునా ఎక్స్‌ప్రెస్‌ మార్గం, గాజియాబాద్‌ - అలీగఢ్‌ - కాన్పుర్‌ - లక్నో రహదారి, మొరాదాబాద్‌ - బరేలీ - సీతాపుర్‌ - లక్నో రహదారి. వీటిలో అతి తక్కువ టోల్‌ ఫీజు వసూలుచేసే మార్గమేదో రాజ్‌మార్గ్‌ యాత్రా యాప్‌ ద్వారా వాహనదారులు తెలుసుకోవచ్చు. అలా పలు ప్రాంతాలకు సంబంధించిన టోల్ డేటా, రూట్ మ్యాప్ లు ఈ యాప్ లో ఉంటాయి.