Vena Reddy : ట్రెండింగ్ లో వీణారెడ్డి.. ఎవరీమె.. భారత్ కు ఎందుకు వచ్చారు?

ఇప్పుడు ఇది చర్చనీయాంశంగా మారింది. అమెరికా అధ్యక్షుడు ట్రంప్ ఇప్పుడు ఆ నిధులను నిలిపేసినా.. బైడెన్ విడుదల చేసిన డబ్బులతో ఏం చేశారన్నది మాత్రం మిస్టరీగా మారింది. ఎవరికి వారు తమకు తోచినట్లు చెబుతున్నారు. బీజేపీ ఒకడుగు ముందుకు వేసి మోదీని ఓడించేందుకు బైడన్ ఈ డబ్బులను భారత్ కు పంపించారని బీజేపీ ఆరోపించింది. మోదీకి, ట్రంప్ కు ఉన్న సన్నిహిత్యం కారణంగానే మొన్నటి ఎన్నికల్లో మోదీని ఓడించడానికి పెద్దయెత్తున నిధులు ఖర్చు చేశారన్నది కమలనాధుల ఆరోపణ. అయితే బైడెన్ అధ్యక్షుడిగా ఉన్న సమయంలో యూఎస్ ఎయిడ్ తరుపున ఎన్నికల్లో పనిచేసేందుకు వీణారెడ్డిని బైడన్ ప్రభుత్వం ఇండియాకు పంపింది. 2021లో భారత్ కు వచ్చిన వీణారెడ్డి తిరిగి 2024 సార్వత్రిక ఎన్నికలు ముగిసిన తర్వాత అమెరికాకు తిరిగి వెళ్లారు.

అయితే తాజాగా బీజేపీ బీజేపీ ఎంపీ మహేశ్ జఠ్మలానీ ఈ విషయంలో వీణారెడ్డి పాత్రపై విచారణ జరపాలని డిమాండ్ చేస్తూ ట్విట్టర్ ‌లో పోస్ట్ చేయడంతో దీనిపై పెద్దయెత్తున చర్చ జరుగుతోంది. దీంతో అసలు వీణారెడ్డి ఎవరంటూ గూగుల్ సెర్చ్ చేయడాన్ని అనేక మంది ప్రారంభించారు. వీణారెడ్డి దాదాపు మూడేళ్లు భారత్ లో ఉండి ఎవరికి అనుకూలంగా పనిచేశారన్న దానిపై విచారణ జరపాలంటూ ఆయన డిమాండ్ చేశారు. ఎవరిని గెలిపించాలన్న ఉద్దేశ్యంతో వచ్చారని ఆయన ప్రశ్నిచంారు. ఇదిలా ఉండగా ఎన్నికల కమిషన్, యూఎస్ఏఐడీ మధ్య కుదిరిన అవగాహన ఒప్పందం మేరకు ఓటింగ్ శాతం పెంచడమే లక్ష్యంగా పనిచేశామని వారు చెబుతున్నారు. కానీ ఇందులో ఏదో కుట్రకోణం ఉందని బీజేపీ ఆరోపిస్తుంది. ప్రస్తుతం వీణారెడ్డి పేరు నెట్టింట మారుమోగిపోతుంది.