Breaking : ప్రమాదం పై అన్ని కోణాల్లో దర్యాప్తు.. సాంకేతిక లోపమా? బర్డ్ హిట్ కారణమా?

అన్ని సాంకేతిక పరీక్షలు నిర్వహించిన తర్వాత మాత్రమే టేకాఫ్ కు అనుమతిస్తారని, ఇద్దరు పైలెట్లు సుదీర్ఘ అనుభవం ఉన్న వారు కావడం కూడా ఇక్కడ గమనించాల్సిన అంశమని పలువురు పౌర విమానయాన నిపుణులు చెబుతున్నారు. వేలాది కిలోమీటర్ల విమానం నడిపిన అనుభవముంది. విమానంలో ఉన్న బ్లాక్ బాక్స్ దొరికితే అందులో ఉన్న సమాచారాన్ని బట్టి విశ్లేషిస్తే ప్రమాదానికి గల కారణమని తెలిసింది. ఏటీసీకి ఎమెర్జీన్సీ కాల్ రావడం, వెంటనే కట్ కావడంతో పాటు ఎయిర్ పోర్టు పరిసరాల్లోని జనావాసాల్లోనే విమానం కూలడంతోనే అనేక అనుమానాలు తలెత్తుతున్నాయి. విమానం కూలడంతో జనావాసాల్లో ఉన్న భవనాలు పూర్తిగా శిధిలమయ్యాయి.

సాధారణంగా టేకాఫ్ అయిన వెంటనే ప్రమాదం జరిగిందంటే బర్డ్ హిట్ కారణమని కొందరు అభిప్రాయపడుతున్నారు. అక్కడ పక్షులు తిరుగుతున్నాయా? లేదా? అన్నది కూడా విచారిస్తున్నారు. కాలి బూడిద అయిన విమానంలో ఎంత మంది మరణించారన్నది మాత్రం ఇంకా తెలియరాలేదు. అయితే విమానం కూలిన ఘటనపై కేంద్ర ప్రభుత్వం కానీ, పౌర విమానయాన శాఖ కానీ ఎలాంటి అధికారిక ప్రకటన చేయలేదు. కేవలం విమానం కూలిందని మాత్రమే చెప్పింది. హాస్టల్ బిల్డింగ్ భవనంపై కూలడంతో మెడికోలు మరణించడంతోనే కెప్టెన్ సునీత్ సబర్వాల్ సుదీర్ఘ ఏవియేషన్ ఫ్లై అవర్స్ అనుభవం ఉందని చెబుతున్నారు. అయితే ముందు సహాయక చర్యలు మాత్రమే పర్యవేక్షిస్తున్నామని, ముందు క్షతగాత్రులను రక్షించిన తర్వాత మాత్రమే విచారణ చేపడతామని తెలిపారు.