Ugram Movie Review : ఉగ్రం రివ్యూ.. విజయ్ - నరేష్ ల కాంబినేషన్ కలిసొచ్చిందా ?

సీఐ శివకుమార్ (నరేష్) సీరియస్ అండ్ సిన్సియర్ పోలీస్ ఆఫీసర్. ప్రేమించి పెళ్లి చేసుకున్న భార్య.. ఐదేళ్ల దాంపత్యానికి గుర్తుగా కూతురు (ఊహారెడ్డి)తో హాయిగా సాగిపోతుంటుంది జీవితం. కానీ ఇంతలో ఓ యాక్సిడెంట్ శివ జీవితాన్ని విచ్ఛిన్నం చేస్తుంది. మెమొరీ లాస్ తో.. కనిపించకుండా పోయిన తన భార్య అపర్ణ (మిర్నా), కూతురు కోసం వెతుకుతూ ఉంటాడు. శివకుమార్ భార్య, కూతురుతో పాటు సిటీలో వందలమంది ఆడపిల్లలు, మహిళలు మిస్ అవుతుంటారు. అసలు వీరందరిని ఎవరు కిడ్నాప్ చేస్తున్నారో తెలుసుకోవాలని సీఐ శివ ప్రయత్నిస్తుంటాడు. ఈ క్రమంలో తనకు వచ్చిన అడ్డంకులను శివ ఎలా ఎదుర్కొన్నాడు ? తన భార్య, కూతుర్ని కనుగొన్నాడా ? ఈ కిడ్నాప్ ల వెనుక ఎవరున్నారు ? కిడ్నాప్ చేసినవారందరినీ ఏం చేస్తున్నారు ? అనేదే మిగతా కథ. అవన్నీ తెలియాలంటే తెరపై సినిమా చూడాల్సిందే.