Kannappa : కన్నప్ప అంచనాలను అందుకుందా? మంచు విష్ణుకు హిట్ తెచ్చిపెట్టిందా?

భారీ అంచనాల మధ్య కన్నప్ప నేడు ప్రపంచ వ్యాప్తంగా విడుదలయింది. కన్నప్ప కథ అందరికీ తెలిసిందే. రెబల్ స్టార్ కృష్ణంరాజు నటించిన భక్త కన్నప్ప నాడు బాక్సాఫీసు బద్దలు కొట్టింది. కథ గురించి ఆసక్తి లేకపోయినప్పటికీ సినిమా ఎలా తీశారన్న దానిపై ప్రధానంగా ప్రేక్షకుల్లో ఆసక్తి పెరిగింది. అందులో ప్రభాస్ కూడా నలభై నిమిషాలు పాటు ఉండటంతో డార్లింగ్ ఫ్యాన్స్ కు కూడా సినిమాల విరామంలో ఇది కొంత ఊరట అని చెబుతున్నారు. ఓవర్సీస్ లో ప్రీమియర్స్ తో రిలీజ్ కావడంతో సినిమాను చూసి వచ్చిన ప్రేక్షకులు తమ అభిప్రాయాలను ట్విట్టర్ వేదికగా పంచుకుంటున్నారు. ఫస్ట్ హాఫ్ అంతా తిన్నడు (మంచు విష్ణు) బ్యాక్ స్టోరీగా ఉందట.

ఫస్ట్ హాఫ్ సో.. సో గా నడిచిందంటున్నారు. ఇంటర్వెల్ వరకూ కొంత సినిమా రక్తి కట్టించలేదని ప్రేక్షకులు ట్విట్టర్ లో చెబుతున్నారు. నాస్తికుడిగా ఉన్న తిన్నడు శివభక్తుడిగా ఎలా మారాడు? శివుడి దర్శనం ఎలా జరిగింది? అయితే తర్వాత సెకండ్ హాఫ్ నుంచి సినిమా మంచి ఊపు అందుకుందంట. ఇక చివరి నలభై నిమిషాలు మాత్రం కన్నప్ప ప్రేక్షకుడిని కట్టిపడేసిందంటున్నారు. ప్రేక్షకుడు సినిమా థియేటర్ నుంచి బయటకు వచ్చే ఫీలింగ్ ముఖ్యం కావడంతో అదే అసలైన టాక్ గా భావించవచ్చు. చివరి నలభై నిమిషాలు ప్రభాస్ ఎంట్రీతో రక్తికట్టడంతో సినిమా మంచి హైప్ క్రియేట్ చేస్తుందన్న అంచనాలు వినపడుతున్నాయి. మంచు విష్ణు నటన హైలెట్ గా ఉందట. నిర్మాణ విలువలు కాస్త తగ్గినట్లు అనిపించినా ఓవరాల్ గా సినిమా మంచి టాక్ తెచ్చుకుందని అంటున్నారు.