డెబ్యూతోనే విలన్ గా ఎంట్రీ ఇస్తున్నాడా?

పెళ్లి చూపులు మర్చిపోయి... అందరూ అర్జున్ రెడ్డి తో విజయ్ కి ఒక బిగ్ క్రేజ్ కట్టబెట్టేసారు. అర్జున్ రెడ్డి సినిమాలో హీరోగా చేసినా...ప్రేమ కోసం బాధ్యతలేని కుర్రాడిగా మారి పక్కా తాగుబోతులా డాక్టర్ గిరిని కూడా పోగొట్టుకున్న కుర్రాడిలా యూత్ కి తెగ నచ్చేసాడు. మరి అర్జున్ రెడ్డి సినిమాలో విజయ్ దేవరకొండ నెగెటివ్ అంటే నెగెటివ్, పాజిటివ్ అంటే పాజిటివ్ కేరెక్టర్ లో అదరగొట్టేసాడు. ఆ సినిమా తర్వాత విజయ్ కి చేతి నిండా సినిమాలే. ప్రస్తుతం విజయ్ ట్యాక్సీవాలా విడుదలకు సిద్ధమవుతుండగా... పరశురాం దర్శకత్వంలో మరో సినిమాలో నటిస్తున్నాడు.

అయితే తాజాగా మెహ్రీన్ కౌర్ హీరోయిన్ గా విజయ్ దేవరకొండ ఒక తమిళ సినిమాని ఒకే చెయ్యడమే కాదు.. అప్పుడే పూజ కార్యక్రమాలతో మొదలెట్టేసాడు కూడా. తమిళంలో ఇరిమ నంబి ఫెమ్ ఆనంద్ శంకర్ డైరెక్షన్ లో విజయ్ దేవరకొండ నోటా అనే పొలిటికల్ బ్యాక్ డ్రాప్ లో నటిస్తున్నాడు. అయితే ఈ తమిళ డెబ్యూ, నేతల్లో నెగెటివ్ షేడ్స్ ఉన్న క్యారెక్టర్ లో చేస్తున్నాడనే టాక్ వినబడుతుంది. కోలీవుడ్ మీడియాలో వస్తున్న కథనాల ప్రకారం నోటా ఒక పొలిటికల్ థ్రిల్లర్ అని.... సస్పెన్స్ మైంటైన్ చేస్తూ ఊహించని మలుపులతో కథను ఆనంద్ మలిచాడని తెలుస్తుంది.

అసలు ఈ సినిమాలో విజయ్ కేరెక్టర్ కి నెగెటివ్ షేడ్స్ వున్నా ఒప్పుకోవడానికి కారణం, గతంలో పొలిటికల్ బ్యాక్ డ్రాప్ లో వచ్చిన ఏ సినిమాలోనూ లేని ప్రత్యేకత ఈ నోటా సినిమాలో ఉండటమేనట. అయితే విజయ్ కేరెక్టర్ మొదట్లో నెగటివ్ గా అనిపించినా దాని వెనుక సహేతుక కారణం ఉంటుందని ఎన్నికల వ్యవస్థను మార్చడానికి నడుం బిగించిన ఒక యువకుడి కథగా నోటా సినిమా ఉంటుందని తెలుస్తుంది. సో.. విజయ్ తమిళ డెబ్యూతోనే నెగటివ్ షేడ్స్ లో అలరించబోతున్నాడన్నమాట