విరాటపర్వం ఓటీటీ రిలీజ్ డేట్ వచ్చేసింది.. ఎప్పుడు-దేనిలో..?

ఈ నెలలో థియేటర్లలో సందడి చేసిన పలు సినిమాలు ఓటీటీలో విడుదలవ్వడానికి సిద్ధమవుతూ ఉన్నాయి.సాయి పల్లవి, రానా దగ్గుబాటి జంటగా నటించిన లేటేస్ట్ చిత్రం విరాటపర్వం. వేణు ఉడుగుల దర్శకత్వం వహించాడు. జూన్ 17న థియేటర్లలో విడుదలైంది. ఈ సినిమాకు ఆడియన్స్ నుంచి మంచి రెస్పాన్స్ వచ్చింది. ఈ సినిమా ఓటీటీలో విడుదల కాబోతోంది. ప్రముఖ ఓటీటీ సంస్థ నెట్ ఫ్లిక్స్ విరాటపర్వం డిజిటల్ స్ట్రీమింగ్ హక్కులను సొంతం చేసుకుంది. ఈ సినిమాను తెలుగు, తమిళం, మలయాళం భాషలలో జూలై 1న స్ట్రీమింగ్ చేయనున్నట్లు నెట్ ఫ్లిక్స్ అధికారికంగా ప్రకటించింది. ఈ సినిమాను సురేష్ ప్రొడక్షన్స్, ఎల్ఎస్వీ సినిమాస్ బ్యానర్లు సంయుక్తంగా నిర్మించారు. ఈశ్వరీ, నివేదా పేతురాజ్, ప్రియమణి, నవీన్ చంద్ర కీలకపాత్రలలో నటించారు.