Tollywood : మరో క్రేజీ అప్ డేట్.. బాక్సాఫీస్ ను షేక్ చేస్తుందిగా?

మెగాస్టార్ చిరంజీవి తో పాటు హీరో రవితేజ నటించిన వాల్తేరు వీరయ్య సూపర్ డూపర్ హిట్ కావడంతో మరొకసారి క్రేజీ కాంబినేషన్ లలో తీసుకు వచ్చేందుకు దర్శకులు రెడీ అవుతున్నారు. ఇక తాజాగా అనిల్ రావిపూడి దర్శకత్వంలో తెరకెక్కిస్తున్న ఒక మూవీలో చిరంజీవితో పాటు హీరో వెంకటేశ్ కూడా కనిపించే అవకాశముంది. ముఖ్యమైన పాత్రలో చిరంజీవితో పాటు స్క్రీన్ స్పేస్ పంచుకోనున్నారు. ఇద్దరు సూపర్ హీరోలు కథతో తెరకెక్కుతున్న ఈ మూవీ సంగతి పక్కన పెడితే తాజాగా మరో క్రేజీ అప్ డేట్ వచ్చేసింది. నందమూరి బాలకృష్ణతో కలసి తాను కూడా నటించనున్నట్లు విక్టరీ వెంకటేశ్ తెలిపారు.

అమెరికాలో జరుగుతున్న నాట్స్ 2025 వేడుకల్లో ఈ విషయాన్ని వెంకటేశ్ వెల్లడించారు. త్వరలోనే నందమూరి బాలకృష్ణతో కలసి తాను కెమెరాముందుకు రానున్నట్లు వెంకటేశ్ చెప్పడంతో దగ్గుబాటి, నందమూరి క్రేజీ కాంబినేషన్ లో ఒక చిత్రం రెడీ అవుతుందని తెలిసి ఫ్యాన్స్ మాత్రం పండగ చేసుకుంటున్నారు. బాలకృష్ణ అఖండ 2 సినిమా షూటింగ్ పూర్తయిన వెంటనే గోపీచంద్ మలినేని దర్శకత్వంలో బాలయ్య బాబు నటించనున్నారు. అందులో వెంకటేశ్ కూడా నటించే అవకాశాలున్నాయి. దీంతో తెలుగు ప్రేక్షకులకు ఇద్దరి కాంబినేషన్ లో వచ్చే సినిమా బాక్సాఫీసు ను షేక్ చేస్తుందన్నది టాలీవుడ్ వర్గాల టాక్.