శర్వానంద్ మరో విన్నూత్న ప్రయోగం.. ప్రేక్షకులకు పండగేనట

అయితే తాజాగా శర్వానంద్ తొలిసారి పాన్ ఇండియా మూవీని చేయడానికి ప్లాన్ చేసుకున్నాడు. ఈ చిత్రం సంపత్ నంది దర్శకత్వంలో రూపుదిద్దుకోనుంది. ఈ మూవీలో శర్వానంద్ కు జంటగా అనుపమ పరమేశ్వరన్ నటిస్తున్నారు. వీరిద్దరి జోడీ శతమానం భవతితో గతంలో అందరి మనసులను హత్తుకున్న సంగతి తెలిసిందే. తిరిగి ఈ చిత్రంలో కూడా శర్వానంద్ - అనుపమ పరమేశ్వరన్ కలసి నటిస్తుండటంతో కొంత హైప్ ఇచ్చే అవకాశాలు మెండుగా ఉన్నాయని మేకర్స్ గట్టిగా నమ్ముతున్నారు.

అయితే ఈ చిత్రం కథనాన్ని కూడా కొద్దిగా మేకర్స్ రివీల్ చేశారు. 1960 సంవత్సరంలో జరిగిన కథ ఇది. ఉత్తర తెలంగాణ - మహారాష్ట్ర సరిహద్దుల్లో జరిగే కథగా దీనిని రూపొందించినట్లు తెలిపారు. ఈ చిత్రంలో శర్వానంద్ పాత్ర ఎంత బలమైనదో.. అనుపమ పరమేశ్వర్ ను కూడా అంతే కీలకమని, ఇద్దరూ స్క్రీన్ స్పే్ బాగా పంచుకుని ప్రేక్షకులను బాగా అలరించగలరన్న నమ్మకంతో మేకర్స్ ఉన్నారు. శర్వానంద్ ఈ చిత్రం కోసం ప్రత్యేకంగా తయారయ్యాడని చెబుతున్నారు. పీరియాడిక్ యాక్షన్ డ్రామాగా తెరకెక్కుతున్న ఈ మూవీ త్వరలోనే చిత్రీకరణ ప్రారంభం కానుంది. సంగీతం భీమ్స్ అందించనున్నారు.