ప్రముఖ దర్శకుడు కన్నుమూత

కొంతకాలంగా అనారోగ్యంతో బాధపడుతోన్న ఆయన..శుక్రవారం సాయంత్రం ఫిలిం నగర్లోని ఆయన నివాసంలో తుదిశ్వాస విడిచారు. ఆయన మరణవార్త విన్న ప్రముఖ నటీనటులు సంతాపం తెలుపుతున్నారు. మెగాస్టార్ చిరంజీవిని ‘ప్రాణంఖరీదు’ సినిమాతో వెండితెరకు పరిచయం చేసింది కె వాసునే. ఆ తర్వాత కోతలరాయుడు, తోడుదొంగలు, అల్లులొస్తున్నారు సినిమాలు కూడా డైరెక్ట్ చేశారు. బ్రహ్మానందంని హీరోగా సిల్వర్ స్క్రీన్ కి పరిచయం చేసింది కూడా ఈయనే. ‘జోకర్ మామ సూపర్ అల్లుడు’ సినిమాలో బ్రహ్మానందంని హీరోగా చూపించారు. విజయ చందర్ సాయిబాబాగా నటించిన ‘శ్రీ షిరిడి సాయిబాబా మహత్యం’ని కూడా ఆయనే డైరెక్ట్ చేశారు. ‘అయ్యప్ప స్వామి మహత్యం’ని కూడా వాసునే డైరెక్ట్ చేశారు. చివరిగా శ్రీకాంత్, ప్రభుదేవాలతో ‘ఇంట్లో శ్రీమతి వీధిలో కుమారి’ చిత్రాన్ని తీసి హిట్ అందుకున్నారు.