Ram Setu: బాలీవుడ్ బోల్డ్ బ్యూటీపై సుబ్రహ్మణ్య స్వామి హాట్ కామెంట్

ఆ సినిమాలో నటిస్తున్న హీరోయిన్ జాక్వెలిన్ ఫెర్నాండెజ్‌‌పై మనీలాండరింగ్ కేసులో ఈడీ ఇప్పటికే చార్జిషీట్ దాఖలు చేసింది. సుమారు రూ.200 కోట్ల రూపాయల మనీలాండరింగ్ కేసులో ప్రధాన నిందితుడిగా ఉన్న సుకేష్ చంద్రశేఖర్‌తో ఆమెకు సంబంధాలున్నాయని.. వారిద్దరి మధ్య ఆర్థిక లావాదేవీలు నడిచాయని ఈడీ పేర్కొంది. ఖరీదైన బీఎండబ్ల్యూ కార్లు, వజ్రాభరణాలు, భారీగా నగదు లావాదేవీలు జరిగినట్లు తెలిపింది. సుకేష్ నేరచరిత్ర తెలిసినప్పటికీ జాక్వెలిన్ అతనితో పరిచయం కొనసాగించిందని.. ఆమె, ఆమె కుటుంబ సభ్యులు, స్నేహితులు కూడా సుకేష్ నుంచి లబ్ధి పొందినట్లు ఈడీ చార్జిషీట్‌లో పేర్కొంది. తనకు దుస్తులు, బ్యాగులు, వజ్రాలతో పొదిగిన చెవిదిద్దులు బహుమతులుగా ఇచ్చినట్లు విచారణలో స్వయంగా జాక్వెలిన్ చెప్పినట్లు పేర్కొన్నారు. అంతేకాకుండా ఆమె కోసం ప్రైవేట్ జెట్ ప్రయాణాలు కూడా ఏర్పాటు చేసినట్లు తెలిపింది. దీంతో జాక్వెలిన్ వ్యవహారం హాట్‌టాపిక్‌‌గా మారింది. అదే విషయంపై బీజేపీ ఎంపీ సుబ్రహ్మణ్య స్వామి కాస్త వ్యంగ్యంగా స్పందించారు. రామ సేతు వాస్తవాలను వక్రీకరిస్తున్నారంటూ ఇప్పటికే సినిమా టీంకి నోటీసులు పంపిన స్వామి.. ఈ మోసపూరిత టీంలో ఈమె కూడా ఉందా? అంటూ ఘాటుగా ట్వీట్ చేశారు.