Single : చిన్న సినిమాలని చిన్న చూపు వద్దండీ.. "సింగిల్" చూస్తే తెలియడం లేదూ?

ఇటీవల విడుదలయిన కోర్టు మూవీ నాని నిర్మించినా అది బాక్సాఫీసు వద్ద హిట్ అయింది. ఎటువంటి స్టార్ డమ్ లేకపోయినా సరే ప్రేక్షకులు సినిమా థేయటర్ కు క్యూ కడుతున్నారు. ఇక యంగ్ హీరో శ్రీ విష్ణు నటించిన అనేక సినిమాలు ప్రేక్షకులు బాగానే ఆదరిస్తున్నారు. ముందు సైడ్ యాక్టర్ గా టాలీవుడ్ లోకి ఎంట్రీ ఇచ్చిన శ్రీ విష్ణు తర్వాత హీరోగా వచ్చి క్లిక్ అయ్యాడు. సామజవరగమన... ఓం భీమ్ బుష్ వంటి మూవీలు బాగా ఆడాయి.మంచి టైమింగ్ ఉన్న హీరో అతడు.మంచి రూపంతో పాటు డైలాగ్ డెలివరీ కూడా బాగా నప్పుతుండటంతో శ్రీ విష్ణు మూవీ అంటే మినిమమ్ హిట్ అన్న ధోరణికి నిర్మాతలు వచ్చేశారు.

తాజాగా విడుదలయిన సింగిల్ మూవీ కూడా హిట్ టాక్ తెచ్చుకుంది. ఫుల్లు కామెడీతో ఉన్న ఈ సినిమా థియేటర్లలో కాసుల వర్షం కురిపిస్తుంది. వెన్నెల కిషోర్, శ్రీవిష్ణు కామెడీలు బాగా వర్క్ అవుట్ కావడంతో ప్రేక్షకులు కూడా కనెక్ట్ అయి తాము పెట్టిన డబ్బులు వృధా కాలేదని చెబుతున్నారు. అయితే లేటెస్ట్ గా విడుదలయిన సింగిల్ మూవీ తొలిరోజు 4.15కోట్ల రూపాయల కలెక్షన్లు తెచ్చిపెట్టింది. ఈ మూవీకి క్రిటిక్స్ కూడా మంచి రేటింగ్స్ ఇవ్వడంతో ప్రేక్షఖులు థియేటర్లకు క్యూ కడుతున్నారు. ఈ సినిమా నుంచి వచ్చిన ఆదాయం నుంచి కొంత భారత సైన్యానికి ఇస్తానని నిర్మాత అల్లు అరవింద్ ప్రకటించారు.