Pawan Kalyan : పవన్ ఫ్యాన్స్ కు మళ్లీ నిరాశ తప్పదా? అదే జరిగితే?

జూన్ 12వ తేదీన హరిహరవీరమల్లు విడుదల చేస్తామని ఇప్పటికే నిర్మాతలు అధికారికంగా ప్రకటించారు. అంటే ఇంకాపెద్దగా సమయం లేదు. ఇప్పటికే ఈ మూవీకి సంబంధించిన ట్రైలర్స్ తో పాటు పవన్ కల్యాణ్ పాడిన పాట కూడా జనంలోకి వెళ్లడంతో బాక్సాఫీసు వద్ద బద్దలు కొట్టడం ఖాయమన్న అభిప్రాయంలో ఫ్యాన్స్ ఉన్నారు. జూన్ 12వ తేదీన రెండు తెలుగు రాష్ట్రాల్లో విడుదలవుతున్న ఈ మూవీని చూసేందుకు అభిమానులు తహతహలాడుతున్నారు. ఇక ఇదే సమయంలో పవన్ ఫ్యాన్స్ కు షాకింగ్ న్యూస్ ఒకటి తెలియడంతో మళ్లీ సినిమా వాయిదా పడుతుందన్న అనుమానం కలుగుతుంది.

రెండు తెలుగు రాష్ట్రాల్లోని ఎగ్జిబిటర్లు నిన్న ఫిలిం ఛాంబర్ లో సమావేశమై కీలక నిర్ణయం తీసుకున్నారు. జూన్ ఒకటి నుంచి రెండు తెలుగు రాష్ట్రాల్లో సినిమా థియేటర్లు బంద్ చేయాలని నిర్ణయించారు. థియేటర్లను అద్దె ప్రాతిపదికన కాకుండా ఇకపై పర్సంటేజీ చెల్లించాలన్న డిమాండ్ తో ఎగ్జిబిటర్లు ఈనిర్ణయం తీసుకున్నారు. జూన్ 1వ తేదీ నుంచి సినిమా థియేటర్లు బంద్ అయితే ఇక పవన్ సినిమా హరిహర వీరమల్లు కూడా వాయిదా పడుతుందేమోనన్న అనుమానం మాత్రం ఫ్యాన్స్ లో బయలుదేరింది. కానీ థియేటర్లు మూసివేయడం అంత సులువు కాదని, ఈ సమస్యకు పరిష్కారం దొరికి థియేటర్లు యధాతథంగా నడుస్తాయని, జూన్ 12న తమ అభిమాన హీరో పవన్ కల్యాణ్ మూవీ హరిహర వీరమల్లు రిలీజ్ అవుతుందని భావిస్తున్నారు.