Pawan Kalyan : ఓజీ ఓకే.. ఉస్తాద్ మాటేమిటి.. ఇదిగిదిగో అప్ డేట్

ఉస్తాద్ భగత్ సింగ్ మూవీ చాలా రోజుల నుంచి షూటింగ్ జరుగుతుంది. పవన్ కల్యాణ్ కు వీలున్నప్పుడల్లా షూటింగ్ లో పాల్గొంటూ చిత్రాన్ని కంప్లీట్ చేసేందుకు సహకరిస్తున్నారు. ఇటీవలే వైరల్ ఫీవర్ తో బాధపడుతూ తిరిగి రాజకీయాల్లో బిజీగా మారిన పవన్ కల్యాణ్ కొద్ది రోజుల తర్వాత షూటింగ్ లో కనిపించబోతున్నారట. మాస్ క్యారెక్టర్ లో ఉస్తాద్ భగత్ సింగ్ లో పవన్ కనిపించనున్నారు. ఈ మూవీ విడుదల తేదీని దీపావళి రోజున మేకర్స్ రివీల్ చేస్తారని చెబుతున్నారు. దీంతో పవన్ ఫ్యాన్స్ దీపావళి కోసం ఎదురు చూస్తున్నారు.

ఈ మూవీని 2026 వేసవి సెలవుల్లో విడుదల చేయడానికి మేకర్స్ ప్లాన్ చేసినట్లు సమాచారం. జనవరి సంక్రాంతి పండగకు చిరంజీవి నటించిన మన శంకరవరప్రసాద్ గారు రిలీజ్ ఉంది. అందుకే మార్చిచివర, లేదా ఏప్రిల్ లో ఈ మూవీ విడుదల చేస్తే బాగుంటుందని మేకర్స్ అనుకుంటున్నారని టాలీవుడ్ వర్గాల ద్వారా అందుతున్న సమాచారం. హరీష్ శంకర్ దర్శకత్వంలో గతంలో వచ్చిన గబ్బర్ సింగ్ సూపర్ డూపర్ హిట్ కావడంతో ఉస్తాద్ భగత్ సింగ్ కూడా అదే రేంజ్ లో ఉంటుందన్న అంచనాలున్నాయి. ఈ సినిమాలో శ్రీలీల, రాశిఖన్నా హీరోయిన్లు. దేవీశ్రీప్రసాద్ ఈ మూవీకి సంగీత దర్శకత్వం వహిస్తుండగా మైత్రీ మూవీ మేకర్స్ ఉస్తాద్ భగత్ సింగ్ ను నిర్మిస్తున్నారు.