99 రూపాయలకే సినిమాలు చూసేయొచ్చు

మల్టీప్లెక్స్ అసోసియేషన్ ఆఫ్ ఇండియా అక్టోబరు 13వ తేదీని జాతీయ సినిమా దినోత్సవంగా నిర్ణయించింది. సినిమా ఔత్సాహికుల కోసం దేశవ్యాప్తంగా ఉన్న సినిమా హాళ్లలో ప్రవేశానికి రూ.99 మాత్రమే వసూలు చేయనున్నట్లు జాతీయ మల్టీప్లెక్స్ ట్రేడ్ బాడీ తాజాగా పత్రికా ప్రకటనలో తెలిపింది. అక్టోబర్ 13న జాతీయ సినిమా దినోత్సవాన్ని నిర్వహించనున్నట్లు మల్టీప్లెక్స్ అసోసియేషన్ ఆఫ్ ఇండియా (ఎంఏఐ) ప్రకటించింది. PVR INOX, Cinepolis, Miraj, Delite సహా భారతదేశంలోని మల్టీప్లెక్స్‌లలో 4,000 స్క్రీన్‌లు జాతీయ సినిమా దినోత్సవ వేడుకల్లో పాల్గొనేందుకు సిద్ధమయ్యాయి. ఈ సినిమా హాళ్లలో ఆరోజు 99 రూపాయలకే సినిమాలను చూసేయొచ్చు.