కోర్టులో కన్నప్పకు ఊరట

మంచు విష్ణు నిర్మించిన భారీ ప్రాజెక్ట్ కన్నప్ప. కన్నప్ప సినిమాలో బ్రాహ్మణ సామాజిక వర్గాన్ని కించపరిచేలా పేర్లు, సన్నివేశాలు ఉన్నాయంటూ ప్రజా ప్రయోజన వ్యాజ్యం దాఖలైంది. దీనిపై ఏపీ హైకోర్టు విచారణ జరిపింది. కేంద్ర సమాచార, ప్రసార మంత్రిత్వశాఖ కార్యదర్శి, సీబీఎఫ్‌సీ సీఈవో, సీబీఎఫ్‌సీ ప్రాంతీయ కార్యాలయ అధికారి, ఏపీ ఫిల్మ్‌ ఛాంబర్‌ ఆఫ్‌ కామర్స్, డైరెక్టర్‌ ముఖేష్‌కుమార్‌ సింగ్, నటులు మంచు మోహన్‌బాబు, విష్ణు, కన్నెగంటి బ్రహ్మానందం, సప్తగిరికి నోటీసులు జారీ చేసింది.

బ్రాహ్మణ చైతన్య వేదిక అధ్యక్షుడు సిరిపురపు వెంకట శ్రీధర్‌ హైకోర్టులో వ్యాజ్యం వేశారు. పిటిషనర్‌ తరఫున న్యాయవాది వాదనలు వినిపిస్తూ జూన్ 27న సినిమా విడుదల కాబోతోందని నిలువరించాలని కోరారు. న్యాయమూర్తి స్పందిస్తూ సినిమా విడుదలయ్యాక అభ్యంతరకర విషయాలు ఉంటే తొలగించేలా ఆదేశిస్తామన్నారు. విచారణను ధర్మాసనం ఆగస్టు 1కి వాయిదా వేసింది.