ఓటీటీలో విక్రమ్ విధ్వంసానికి డేట్ ఫిక్స్

జూన్ 3న ప్రేక్ష‌కుల ముందుకు వ‌చ్చిన ఈ చిత్రం బాక్సాఫీస్ వ‌ద్ద క‌లెక్ష‌న్ల సునామీ సృష్టించింది. ప్ర‌పంచ వ్యాప్తంగా ఈ చిత్రం రూ.400 కోట్లు రాబ‌ట్టింది. ఓటీటీ డీస్నీ+హాట్‌స్టార్‌లో జులై 8 నుంచి విక్ర‌మ్ చిత్రం స్ట్రీమింగ్ కానుంది. ఈ విష‌యాన్ని తెలియ‌జేస్తూ డీస్నీ+హాట్‌స్టార్ ఓ స్పెష‌ల్ వీడియోని షేర్ చేసింది. ఈ వీడియోలో క‌మ‌ల్ హాస‌న్ మాట్లాడుతూ..'మ‌న‌కు న‌చ్చిన చిత్రాన్ని ఎన్నిసార్లు చూసినా చాల్లేదు క‌దూ. ప‌దండి చూసుకుందాం. డీస్నీ+హాట్‌స్టార్‌లో 'అని అంటూ విక్రమ్ స్టైల్ లో గన్ చూపిస్తూ క‌మ‌ల్ హాస‌న్ చెప్పుకొచ్చారు. హిందీ, తెలుగు, తమిళ, మ‌ల‌యాళం, క‌న్న‌డ‌ భాషల్లో విక్రమ్ అందుబాటులోకి రానుంది.