కాజల్.. అతి త్వరలో..!

సెప్టెంబర్ 13 నుంచి కమలహాసన్ కు చెందిన ఇండియన్ 2 సినిమాతో షూటింగ్ మొదలు పెట్టనున్నట్టు కాజల్ వెల్లడించింది. సెట్స్ లో ప్రమాదం వల్ల ముగ్గురు టెక్నీషియన్లు మరణించడంతో రెండేళ్లుగా నిలిచిపోయిన శంకర్ సినిమా మళ్లీ మొదలు కానుందని తెలుస్తోంది. మళ్లీ సినిమాల్లో నటించనున్నట్టు కాజల్ చేసిన ప్రకటన అభిమానులకు సంతోషాన్నిస్తోంది. 1996లో వచ్చిన ఇండియన్ (తెలుగులో భారతీయుడు) సినిమాకు సీక్వెల్ గా రూపొందుతున్నదే ఇండియన్ 2. ఈ సినిమా 60 శాతం వరకు షూటింగ్ పూర్తి చేసుకుంది. కాజల్ అగర్వాల్ చివరిగా 'హే సినామిక' సినిమాలో నటించింది.

గత కొన్ని రోజులుగా, కాజల్ అగర్వాల్ భారతీయుడు 2 లో భాగం కాదని పుకార్లు వ్యాపించాయి. కాజల్ కొన్ని నెలల క్రితం ఒక కొడుకుకు జన్మనిచ్చింది కాబట్టి, మేకర్స్ మరో హీరోయిన్ కోసం వెతుకుతున్నట్లు సమాచారం. ఈ రూమర్స్ కి కాజల్ సమాధానం ఇచ్చింది. భారతీయుడు 2 విషయంలో శంకర్, లైకా ప్రొడక్షన్స్ మధ్య అనేక సమస్యల కారణంగా విభేదాలు వచ్చాయి. ఇటీవ‌ల ఆ స‌మ‌స్య‌లు స‌ద్దుమ‌ణిగిన‌ట్లు స‌మాచారం. కాజల్ అగర్వాల్, సిద్ధార్థ్, ప్రియా భవానీ శంకర్ లు కీలక పాత్రల్లో నటిస్తున్నారు. అనిరుధ్ రవిచందర్ సంగీతం అందిస్తున్నారు.