ప్రముఖ సింగర్ కన్నుమూత

ప్రముఖ సింగర్ పంకజ్ ఉధాస్ కన్నుమూశారు. గజల్స్ పాడుతూ ఆయన ఎంతో పాపులారిటీని సాధించారు. 72 ఏళ్ల పంకజ్ ఉధాస్ కొంతకాలంగా అనారోగ్యంతో బాధపడుతున్నారు. ఆయన ఓ ప్రయివేటు ఆసుపత్రిలో చికిత్స పొందుతున్నారు. గుజరాత్‌కు చెందిన పంకజ్ ఉధాస్ కి 2006లో పద్మశ్రీ వచ్చింది. ఆయన హిందీతో పాటు పలు భాషల్లో ఎన్నో హిట్ సాంగ్స్ పాడారు. ఆయన మరణవార్తను కూతురు నయాబ్ సోషల్ మీడియా వేదికగా ధృవీకరించారు. దీర్ఘకాలిక అనారోగ్యం కారణంగా ఫిబ్రవరి 26వ తేదీన పంకజ్‌ ఉధాస్‌ మరణించారంటూ పోస్టు పెట్టారు.