SSMB29 పై ప్రియాంక ఇంత హోప్స్ పెట్టుకున్నారా?

RRR మూవీతో అంతర్జాతీయంగా ప్రశంసలు అందుకున్న రాజమౌళి ఈ చిత్రాన్ని కూడా అదే రేంజ్ లో తెరకెక్కిస్తున్నారన్న వార్తలు టాలీవుడ్ ను ఊపేస్తున్నాయి. ఇక ఇప్పటికే ఈ సినిమాకు సంబంధించిన షూటింగ్ పనులు శరవేగంగా సాగుతున్నాయి. రామోజీ ఫిల్మ్ సిటీలో వారణాసి సెట్ వేసి మరీ షూటింగ్ ను నిర్వహించేందుకు సిద్ధమయ్యారు. రాజమౌళి సిల్వర్ స్క్రీన్ పై డ్రీమ్ బాయ్ మహేష్ బాబును ఏ విధంగా చూపుతారన్న ఆసక్తి సర్వత్రా నెలకొంది. ఈ ఇద్దరి కాంబినేషన్ లో వస్తున్న తొలి మూవీ కావడంతో భారీగా హైప్ క్రియేట్ అయింది.

అయితే మహేష్ బాబుతో పాటు ఈ చిత్రంలో ప్రియాంకచోప్రా, పృథ్వీరాజ్ సుకుమారన్ ముఖ్యపాత్రల్లో నటించనున్నారని తేలింది. ప్రియాంక ఇప్పటికే షూటింగ్ లో కూడా పాల్గొనడంతో పాటు ఒక ఇంటర్వ్యూలో మాట్లాడుతూ ఈ ఏడాది ఒక పాన్ ఇండియా ఇండియన్ మూవీలో నటిస్తున్నానని అన్నారు. ఇప్పటికే తాను ఇండియా సినిమాలు, ఆడియన్స్ ను మిస్ అవుతున్నానని, మళ్లీ ఇక్కడి ప్రేక్షకులతో కనెక్ట్ అవుతున్నానని ఆమె చెప్పడంతో SSMB29 గురించి అని అంటున్నారు. అడ్వెంచర్ మూవీగా తెరకెక్కే ఈ మూవీ తదుపరి షెడ్యూల్ జులై రెండో వారంలో కెన్యాలో ప్రారంభం కానుందని తెలిసింది. యాక్షన్, ఛేజింగ్ ఎపిసోడ్స్ ను చిత్రీకరించేందుకు రాజమౌళి కెన్యాను ఎంచుకున్నారు. మొత్తం మీద ప్రియాంక ఇచ్చిన ఇంటర్వ్యూ సామాజిక మాధ్యమాల్లో వైరల్ గా మారింది.