Bigg Boss : బిగ్ బాస్ 9వ సీజన్ కు డిజైన్ మార్చినట్లుందిగా.. విడుదలయిన ప్రోమో ఏం చెబుతుందంటే?

అయితే ఈ సీజన్ లో సెలబ్రిటీలతో పాటు ఆర్డినరీ పీపుల్ కూడా బిగ్ బాస్ హౌస్ లోకి ఎంట్రీ ఇస్తున్నారు. అయితే 9వ సీజన్ లో ఐదుగురు సామాన్యలు ఎంట్రీ ఇస్తారంటున్నారు. అయితే ఈ నెల 22వ తేదీ నుంచి బిగ్ బాస్ షోకు సంబంధించిన ప్రీ షో ప్రసారం కానుంది. ఆగస్టు 22వ తేదీ నుంచి ప్రసారం కానున్న ఈ షోలో కూడా సామాన్యులు పాల్గొననున్నారు. దాదాపు నలభై మంది సామాన్యులు కూడా పాల్గొంటున్నారని చెబుతన్నారు. వీరిలో ఐదు మందిని ఎంపిక చేసి బిగ్ బాస్ హౌస్ కు పంపుతారన్న టాక్ వినపడుతుంది.

అయితే స్టార్ మా లేటెస్ట్ గా విడుదల చేసిన ప్రోమోలో దాదాపు నలభై మంది కంటెస్టెంట్లు పాల్గొని సందడి చేసినట్లు కనపడుతుంది. ఈ ప్రీషోకు అగ్ని పరీక్ష అని పేరు పెట్టారు. ఈ షో ద్వారా బిగ్ బాస్ షోకు మరింత హైప్ తీసుకురావాలన్న ఉద్దేశ్యంతో నిర్వాహకులు ఈసారి ముందుగానే ప్రీ షో పేరిట ప్రేక్షకుల ముందుకు వచ్చారు. సెప్టంబరు 5వ తేదీ నుంచి ఇక బిగ్ బాస్ 9వ సీజన్ బుల్లితెరపై సందడి చేయనుంది. దాదాపు మూడు నెలలకు పైగానే అంటే వందరోజులు సాగే ఈ సుదీర్ఘ షో ను చూసేందుకు ప్రేక్షకులు రెడీ అయిపోతున్నారు. కంటెస్టెంట్ల మధ్య తిట్లు, కొట్లాటలు, గేమ్స్, ఎలిమినేషన్ ప్రక్రియ వంటివి ఈసారి ఆకట్టుకునే రీతిలో డిజైన్ చేశారని చెబుతున్నారు.