పెళ్లి చేసుకోబోతున్న పూర్ణ.. వరుడు ఎవరంటే

షామ్నా ఖాసిమ్ అంటే మన తెలుగు వాళ్లకు తెలియకపోవచ్చు కానీ.. పూర్ణ అంటే చాలు అందరికీ తెలుసు. ఆ ఇంట్లో, సీమ టపాకాయ్.. లాంటి సినిమాలతో మొదలుకొని అఖండ సినిమాలో కూడా పూర్ణ నటించింది. బుల్లితెర మీద కూడా జడ్జిగా అలరిస్తూ ఉంది. ఇక ఇన్ని రోజులూ అమ్మడి పెళ్లి ఎప్పుడు, వరుడు ఎవరు అనే ప్రశ్నలు ఆమెను వెంటాడాయి. తాజాగా తన లైఫ్ విషయంలో ఒక క్లారిటీ వచ్చేసిందని పూర్ణ చెప్పేసింది. "జీవితంలో నా తదుపరి భాగానికి అడుగుపెడుతున్నాను." అని షానిద్ అసిఫాలీని వివాహం చేసుకున్నట్లు పూర్ణ చెప్పుకొచ్చింది. అందుకు సంబంధించి తన సోషల్ మీడియా ఖాతాలో పోస్టు పెట్టింది. యుఏఈలో వ్యాపారవేత్త అయిన తన కాబోయే భర్త షానిద్ అసిఫాలీతో కొన్ని చిత్రాలను షేర్ చేసింది.