విక్రమ్ కు హార్ట్ అటాక్

చియాన్ విక్రమ్‌కు గుండెపోటు రావడంతో వెంటనే చెన్నైలోని కావేరి ఆసుపత్రికి తరలించారు. యాంజియోప్లాస్టీ చేయించుకున్నారని తెలుస్తోంది. ఈరోజు ఆయన డిశ్చార్జి అయ్యే అవకాశం ఉంది. త్వరలో మెడికల్ బులెటిన్ వెలువడే అవకాశం ఉంది. ఈరోజు టీజర్ లాంచ్‌కు తాను హాజరు కావడం లేదని విక్రమ్ పొన్నియిన్ సెల్వన్ టీమ్‌కి తెలియజేశారు. కొన్ని రోజుల పాటూ విక్రమ్ విశ్రాంతి తీసుకోనున్నారు. జూలై 11న జరగనున్న 'కోబ్రా' సినిమా ఆడియో లాంచ్‌కు హాజరవుతారు.

చియాన్ విక్రమ్ నటించిన 'పొన్నియిన్ సెల్వన్' సినిమా విడుదల కోసం సినీ అభిమానులు ఎంతో ఆసక్తిగా ఎదురుచూస్తూ ఉన్నారు. ఈ సినిమా మొదటి భాగం సెప్టెంబర్ 30న థియేటర్లలోకి రానుంది. విక్రమ్ నటించిన కోబ్రా సినిమా ఆగష్టు 11న విడుదలకానుంది. ఇది ఇమైక్కా నోడిగల్ ఫేమ్ దర్శకుడు అజయ్ జ్ఞానముత్తు తీస్తున్న సినిమా. ఈ సినిమాలో భారత మాజీ క్రికెటర్ ఇర్ఫాన్ పఠాన్, శ్రీనిధి శెట్టి, మిర్నాళిని రవి, KS రవికుమార్, మియా జార్జ్ తదితరులు ఉన్నారు.