ఎన్టీఆర్ ని తోక్కేసిన రానా

టివి ఛానల్స్ లో ఇప్పుడున్న వెండితెర స్టార్స్ రియాలిటీ షోస్ తో పోటీపడుతున్నారు. బాహబలికి వచ్చిన క్రేజ్ తో రానా హోస్ట్ గ నెంబర్ 1 యారి షో ని జెమినీ ఛానల్ వారు మొదలు పెట్టగా.. ఎన్టీఆర్ హోస్ట్ గా స్టార్ మా ఛానల్ వారు బిగ్ బాస్ షోని స్టార్ట్ చేసారు. మరి ఎన్టీఆర్ ఇప్పుడున్న యంగ్ హీరోల్లో టాప్ హీరోగా ఉన్నాడు. ఎన్టీఆర్ ముందు రానా షో నిలబడదని అనుకున్నారు అంతా. అనుకున్నట్టుగానే మొదటి రెండు వారాలకు గాను ఎన్టీఆర్ బిగ్ బాస్ కి విపరీతమైన టీఆర్పీ రేటింగ్స్ వచ్చేసాయి. శని ఆదివారాలు రెండు రోజులు మాత్రమే ఎన్టీఆర్ పెరఫార్మెన్సు తో అదరగొడుతున్న, మిగతా రోజుల్లో షోలో కంటెస్టెంట్స్ వల్ల షో పెద్దగా ప్రేక్షకులకు ఎక్కడం లేదనే టాక్ మొదటినుండి ఉంది. అయితే షో మొదలైన రెండు వారాలు ఈ షోకి టీవీలో టాప్ రేటింగ్ వచ్చేసి స్టార్ మా ఛానల్ ఏకంగా ఫస్ట్ ప్లేస్ ని ఆక్రమించేసింది.

అయితే ఇప్పుడు ఇన్నిరోజులు తర్వాత రానా, ఎన్టీఆర్ మీద పై చెయ్యి సాధించాడని తాజాగా విడుదల చేసిన టీఆర్పీ రేటింగ్స్ చెబుతున్నాయి. ఇప్పుడు ఈ నాలుగు వారాల తర్వాత టీఆర్పీ రేటింగ్స్ లో, బిగ్ బాస్ షో మరీ వెనుకబడిందని సమాచారం. జెమినీ లో రానా హోస్ట్ గా వస్తున్న నెంబర్ వన్ యారి మొదటినుండి ఎన్టీఆర్ బిగ్ బాస్ తో పోటీపడుతూనే ఉంది. కానీ మొదట్లో ఎన్టీఆర్ బిగ్ బాస్ ముందు ఈ రానా షో, రేటింగ్స్ లో వెనుకబడిపోయింది. తాజాగా విడుదల చేసిన టీఆర్పీ రేటింగ్స్ లో రానా.. నెంబర్ వన్ యారి షో 9.4 తెచ్చుకుంటే, ఎన్టీఆర్ బిగ్ బాస్ షో మాత్రంకి ఎన్టీఆర్ 2 రోజుల ఎపిసోడ్స్ కి గాను 6.58 రేటింగ్ సంపాదించుకుంది.

ఇక మిగతా షోలలో బోల్ బేబీ బోల్ 6, ఎక్స్ట్రా జబర్దస్త్ 5.6 రేటింగ్స్ తెచ్చుకున్నాయి.ఇకపోతే ముందునుండి టీవీ సీరియల్స్ కి ఎప్పుడు ఉండే మహిళాదరణ ఏ మాత్రం తగ్గలేదు. ఎప్పటిలాగే కుంకుమపువ్వు - 10.7, స్వాతిచినుకులు - 10, ముద్దమందారం-10 రేటింగ్స్ పొందాయి. ఇ-లోకం, రానా తన నెంబర్ 1 యారి షోతో ఎన్టీఆర్ బిగ్ బాస్ ని తొక్కేసాడంటున్నారు