వీర్యదాత 1700 కోట్లు వారసులకే.. వాళ్లకైనా తెలుసో లేదో?

ప్రముఖ మెసేజింగ్‌ యాప్‌ టెలిగ్రామ్‌ వ్యవస్థాపకుడు, సీఈఓ పావెల్‌ దురోవ్‌ వీర్యదాత. ప్రపంచవ్యాప్తంగా 100 మందికి పైగా పిల్లలకు అతడు బయోలాజికల్‌గా తండ్రి. ఇప్పుడు ఆ పిల్లలందరికీ తన సంపదను పంచేస్తారట. 15 ఏళ్ల పాటు తాను చేసిన వీర్యదానంతో ప్రపంచవ్యాప్తంగా 12 దేశాల్లో 100 మంది పిల్లలు జన్మించినట్లు తెలిపారు. ఇటీవలే తాను వీలునామా రాశానని, తాను సహజంగా జన్మనిచ్చిన సంతానంతో పాటు ఈ 100 మంది పిల్లలకు కూడా తన ఆస్తిలో సమాన హక్కు ఉంటుందన్నారు. దాదాపు 20 బిలియన్‌ డాలర్ల తన సంపదను వీరందరికీ సమానంగా పంచుతానని తన వీలునామాలో పేర్కొన్నారు. ఈ సంపదను తన బిడ్డలు 30 ఏళ్ల వరకు పొందలేరని, వారు స్వతంత్రంగా జీవించేలా ఎదగాలని కోరుకుంటున్నానన్నారు పావెల్‌ .