988 కోట్ల ఖర్చుతో దేశీయ చాట్ బాట్

ప్రస్తుతం చాట్‌జీపీటీ, జెమినీ, గ్రాక్, పర్‌ఫ్లెక్సిటీ లాంటి చాట్ బాట్స్ ను తెగ వినియోగిస్తూ ఉన్నారు. విదేశీ సంస్థలకు చెందిన ఈ ఏఐ టూల్స్‌ ను మించేలా స్వదేశీ ఏఐ చాట్‌బాట్‌ త్వరలో అందుబాటులోకి రానుంది. ‘భారత్‌జెన్‌’ అనే పేరు ఉన్న చాట్ బాట్ పౌరసేవలు, విద్య, వైద్యం, వాణిజ్యరంగాలకు ఉపయుక్తంగా ఉండేలా కేంద్ర ప్రభుత్వమే ఈ కార్యాచరణ మొదలు పెట్టింది. దీనిపై 988 కోట్లు ఖర్చు చేయనుంది. ఐఐటీ బాంబే ఈ ప్రాజెక్టుకు నేతృత్వం వహిస్తుండగా హైదరాబాద్, మద్రాస్, మండి, కాన్పుర్‌ ఐఐటీలు, ఇండోర్ ఐఐఎం భాగస్వాములుగా వ్యవహరిస్తున్నాయి. రెండేళ్లలో ఈ దేశీయ చాట్‌బాట్‌ని అందుబాటులోకి తేవాలనే లక్ష్యంతో పని చేస్తున్నారు.