Iran and Israel War : ఇరాన్ - ఇజ్రాయిల్ తొమ్మిది రోజుల యుద్ధం.. నష్టం ఎన్ని వేల కోట్ల రూపాయలో తెలుసా?

ఇరు దేశాల గగనతలంపై విమానాల రాకపోకలపై నిషేధం విధించారు. ఇరాన్ ఇజ్రాయిల్ లోని హైఫా, బీర్ షిబా, టెల్ అవీవ్ పై క్షిపణులతో దాడులకు దిగింది. దీనికి ప్రతిగా ఇరాన్ పైకి ఇజ్రాయిల్ యుద్ధ విమానాలను పంపిది. ఇరాన్ రక్షణ పరిశోధన కేంద్రం కూడా ధ్వంసమయింది. ఇరాన్ బాలిస్టిక్ క్షిపణులతోఇరాన్ విరుచుకుపడుతుండటంతో ఇజ్రాయిల్ కూడా తీవ్రంగానే నష్టపోయింది. ప్రధాన నగరాలైన టెల్ అవీవ్, హైఫా, బీర్ షిబాద నగరాల్లో దాడులు జరగపడంతో అనేక భవనాలు ధ్వంసమయ్యాయి. అయితే ప్రాణ నష్టం ఎంత జరిగిందన్నది అధికారికంగా కొంత వరకు మాత్రమే ప్రకటించారు. వాస్తవ లెక్కలు బాహ్య ప్రపంచానికి తెలియడం లేదు.

ఇరాన్ - ఇజ్రాయిల్ రెండు దేశాలు తమదే పై చేయి అని చెప్పుకోవడానికి జరిగిన నష్టం అంచనాలు బయటకు చెప్పడం లేదు కానీ భారీగానే ఇరుదేశాలు నష్టపోయినట్లు తెలుస్తోంది. రెండు దేశాల్లోని ప్రధాన నగరాల్లో పౌరులు సురక్షిత ప్రాంతాలకు వెళ్లి తలదాచుకునే పరిస్థితులు ఉన్నాయంటే ఏ మేరకు దాడులు నిత్యం జరుగుతున్నాయో వేరే చెప్పాల్సిన పనిలేదు. పశ్చిమ ఇరాన్ లోని కెర్మన్ షా, తబ్రీజ్ ప్రాంతాల్లో ఉన్న బాలిస్టిక్ క్షిపణుల కేంద్రాలపై ఇజ్రాయిల్ తమ యుద్ధ విమానాలతో దాడులు చేసింది. ఆ కేంద్రాలను ధ్వంసం చేసింది. రాస్త్ నగరంపై కూడా బాంబులు వర్షం కురవడంతో ప్రజలు భయంతో పరుగులు తీశారు. మరి ఎంత నష్టమన్నది తెలియకున్నా వేల కోట్ల రూపాయల మేరకు నష్టం వాటిల్లి ఉంటుందన్న అంచనాలు వినపడుతున్నాయి.