డబ్ల్యూహెచ్‌ఓ నుంచి వైదొలిగిన అమెరికా

ప్రపంచ ఆరోగ్య సంస్థ నుంచి అమెరికా అధికారికంగా బయటకు వచ్చింది. ఈ నిర్ణయం వల్ల అమెరికాలోనే కాదు, ప్రపంచవ్యాప్తంగా ప్రజారోగ్యంపై ప్రతికూల ప్రభావం ఉంటుందని గత ఏడాది నుంచే హెచ్చరికలు వస్తున్నాయి. అయితే, కోవిడ్‌ మహమ్మారి నిర్వహణలో ఐక్యరాజ్యసమితి ఆరోగ్య సంస్థ విఫలమైందనే కారణంతోనే ఈ నిర్ణయం తీసుకున్నట్లు అమెరికా ప్రభుత్వం తెలిపింది. 2025లో తన అధ్యక్ష పదవిలో తొలి రోజే డబ్ల్యూహెచ్‌ఓ నుంచి వైదొలుగుతున్నట్లు అధ్యక్షుడు డొనాల్డ్ ట్రంప్ కార్యనిర్వాహక ఉత్తర్వుల ద్వారా నోటీసు ఇచ్చారు. ఆ మేరకు ఇప్పుడు అధికారిక నిష్క్రమణ పూర్తైంది.