Iran : ఇరాన్ తో వ్యాపారం చేసే దేశాలకు ట్రంప్ భారీ షాక్

ఇరాన్ కు అమెరికా అధ్యక్షుడు డొనాల్డ్ ట్రంప్ భారీ షాక్ ఇచ్చారు. ఇరాన్ తో వ్యాపార సంబంధాలున్న దేశాలపై కూడా మరొకసారి టారిఫ్ పిడుగు వేశారు.ఇరాన్‌తో వ్యాపారం చేసే ఏ దేశంపైనా 25 శాతం టారిఫ్‌ విధిస్తున్నట్లు అమెరికా అధ్యక్షుడు డొనాల్డ్‌ ట్రంప్‌ ప్రకటించారు. ఇరాన్‌లో జరుగుతున్న నిరసనలపై అక్కడి ప్రభుత్వం హింసాత్మకంగా వ్యవహరిస్తున్న నేపథ్యంలో, తేహ్రాన్‌పై ఒత్తిడి పెంచే దిశగా ఈ నిర్ణయం తీసుకున్నట్లు వైట్ హౌస్ వెల్లడించింది. ఈ నిర్ణయంవెంటనే అమల్లోకి వస్తుందని తెలిపారు. నిరసనలపై అణచివేతకు వ్యతిరేకంగా ఒత్తిడి పెంపుదలలో భాగంగానే ఈ చర్యలని తెలిపారు.