అట్టుడికిపోతున్న శ్రీలంక

ఆర్థిక పరిస్థితి పూర్తిగా క్షీణించింది. దానిని గాడిన పెట్టడానికి పాలకులు ప్రయత్నాలు చేస్తున్నారు. అయినా నిరసనకారులు ఆగడం లేదు. శ్రీలంకలో పరిస్థితులు మెరుగుపడలేదు. ఆందోళనలు కొనసాగుతూనే ఉన్నాయి. రణిల్ విక్రమ్ సింఘే అధ్యక్షుడిగా ఎన్నికవ్వడంతో ఆందోళనలు తీవ్రమయ్యాయి. భద్రతాబలగాలపై ఆందోళనకారులు రాళ్లురువ్వుతూ తమ నిరసనలను వ్యక్తం చేస్తున్నారు. నిన్న అర్థరాత్రి కొలంబో లో ఉన్న నిరసనకారులకు చెందిన టెంట్లను తొలగించి వారిని అక్కడి నుంచి పంపించే ప్రయత్నం చేశాయి భద్రతా బలగాలు. దీంతో భద్రతా బలగాలపై నిరసనకారులు తిరగబడ్డారు.