లండన్‌లో ఘనంగా సంక్రాంతి వేడుకలు

సంస్కృతివైవిధ్యాన్ని ఒకే వేదికపైకి తీసుకొచ్చే ప్రయత్నం ప్రశంసనీయమని పేర్కొన్నారు. యువత తమ మూలాలను గుర్తించి ఆ వారసత్వాన్ని ముందుకు తీసుకెళ్లాల్సిన అవసరం ఉందని తెలిపారు. చిన్నతరానికి సంస్కృతిని చేరువ చేయడంలో తెలుగు అసోసియేషన్ ఆఫ్ లండన్ చేస్తున్న కృషిని అభినందించారు. ఈ కార్యక్రమాన్ని విజయవంతంగా నిర్వహించడంలో తెలుగు అసోసియేషన్ ఆఫ్ లండన్ మహిళా సభ్యులు ఉమా గీర్వాణి, హిమబిందు, సురేఖ, స్వప్న బి, స్వప్న జి, శాలిని, జ్యోత్స్న, షాజ్మా కీలక పాత్ర పోషించారు. గిరిధర్, రాయ్ బి, విజయ్ బి, అనిల్ అనంతుల మద్దతు అందించారు. నిధుల సమీకరణ బాధ్యతను ట్రస్టీలు వెంకట్ నీలా, రవికుమార్ రెడ్డి మొచర్ల, ఖజానాదారు అనిల్ అనంతుల నిర్వహించారు. స్పాన్సర్లకు నిర్వాహకులు కృతజ్ఞతలు తెలిపారు.

తెలుగు అసోసియేషన్ ఆఫ్ లండన్ చైర్మన్ రవి సబ్బా తల్లిదండ్రులు, సభ్యులు, స్వచ్ఛంద కార్యకర్తలకు ధన్యవాదాలు తెలిపారు. ట్రస్టీ అశోక్ మడిశెట్టి తెలుగు అసోసియేషన్ ఆఫ్ లండన్ కల్చరల్ సెంటర్ ద్వారా జరుగుతున్న శిక్షణ తరగతుల వివరాలు వెల్లడించారు. నృత్యం, సంగీతం, భాష బోధన వంటి కోర్సులు అన్ని వయసుల వారికి తమ తెలుగు సంస్కృతితో అనుబంధం పెంచుతున్నాయని చెప్పారు. కన్వీనర్ వాసు మయ్యారెడ్డి మార్చి 21న జరగనున్న తెలుగు అసోసియేషన్ ఆఫ్ లండన్ ఉగాది 2026 వేడుకలకు అందరినీ ఆహ్వానించారని తెలిపారు.

గిరిధర్ పుట్లూర్ స్వచ్ఛందంగా సేవలందించిన మురళి కె, విజయ్ బి, నాగ గ, రవి డి, వాజిద్, క్రాంతి ఆర్, శ్రీరామ్ తదితరులకు కృతజ్ఞతలు చెప్పారు. బొమ్మల కొలువు అలంకరణల నుంచి ముగ్గుల పోటీల వరకు ప్రతి అంశం విజయవంతంగా సాగేందుకు వారి కృషి తోడ్పడిందన్నారు. ట్రస్టీలు అనిల్ అనంతుల, రవికుమార్ రెడ్డి మొచర్ల, శ్రీదేవి అలెద్దుల, వెంకట్ నీలా, అశోక్ మడిశెట్టి, కిరణ్ కప్పెట, సత్య పెడ్డిరెడ్డి సహకారం అందించారు.ఆంధ్రప్రదేశ్, తెలంగాణ రాష్ట్రాల సంప్రదాయాలను ప్రతిబింబించే పాటలు, నృత్యాలు, రుచికరమైన సంప్రదాయ వంటకాలతో ఈ కార్యక్రమం ప్రత్యేక ఆకర్షణగా నిలిచింది.