Venezuelan : వెనెజువెలాపై అమెరికా దాడి.. అధ్యక్షుడి నిర్బంధం

అమెరికా ప్రభుత్వ విమానం నుంచి మదురో దిగుతుండగా ఎఫ్‌బీఐ అధికారులు చుట్టుముట్టారు. న్యూయార్క్‌ రాష్ట్రంలోని నేషనల్‌ గార్డ్‌ కేంద్రంలో రన్‌వేపై ఆయనను నెమ్మదిగా తీసుకెళ్లినట్లు అధికారులు తెలిపారు. అనంతరం హెలికాప్టర్‌లో మదురోను మాన్‌హాటన్‌కు తరలించారు. అక్కడ పెద్ద ఎత్తున బలగాలు మోహరించినట్లు చెబుతున్నారు. అమెరికా మీడియా కథనాల ప్రకారం, 63 ఏళ్ల మదురోను ముందుగా యూఎస్‌ డ్రగ్‌ ఎన్‌ఫోర్స్‌మెంట్‌ అడ్మినిస్ట్రేషన్‌ కార్యాలయానికి తీసుకెళ్లనున్నారు. ఆ తర్వాత బ్రూక్లిన్‌లోని మెట్రోపాలిటన్‌ డిటెన్షన్‌ సెంటర్‌కు తరలించనున్నారు. ఇదే జైలులో గత ఏడాది రాపర్‌ షాన్‌ “డిడ్డీ” కాంబ్స్‌ తన విచారణ సమయంలో ఉన్నాడు.

మదురోతో పాటు ఆయన భార్యపై కూడా న్యూయార్క్‌లోని కోర్టులో ఒక తేదీన హాజరు పరచనున్నారు. వీరిద్దరిపై ‘నార్కో–టెర్రరిజం’, భారీగా కొకైన్‌ను అమెరికాలోకి అక్రమంగా తరలించడం, అక్రమ ఆయుధాలు కలిగి ఉండడం వంటి అభియోగాలు నమోదు చేశారు. మరుదో అనంతరం ఎవరు బాధ్యతలు చేపట్టాలన్న అంశంపై ఇంకా క్లారిటీ రాలేదు. వెనెజువెలా పై దాడులకు సంబంధించి అమెరికా అధ్యక్షుడు డొనాల్డ్ ట్రంప్ ట్రూత్ ద్వారా అధికారికంగా ప్రకటించారు. కారకాస్ లో మొత్తం ఏడు చోట్ల పేలుళ్లు జరిగాయని చెబుతున్నారు. అయితే ఈ దాడుల్లో ఎవరైనా మరణించారన్న దానిపై ఇంకా ప్రకటన వెలువడ లేదు. ప్రజలు మాత్రం వీధుల్లోకి భయాందోళనలతో పరుగులు తీశారు.