నింగిలోకి భారత వ్యోమగామి శుభాంశు శుక్లా

ప్రయోగం విజయవంతంగా జరిగిన తర్వాత, వ్యోమనౌక గురువారం సాయంత్రం 4:30 గంటలకు (భారత కాలమానం ప్రకారం) అంతర్జాతీయ అంతరిక్ష కేంద్రంతో అనుసంధానం (డాకింగ్) అవుతుందని నాసా వివరించింది. భూమి నుంచి బయలుదేరిన సుమారు 28 గంటల ప్రయాణం అనంతరం ఈ వ్యోమనౌక అంతర్జాతీయ అంతరిక్ష కేంద్రాన్ని చేరుకుంటుంది. శుభాంశు శుక్లా నేతృత్వంలోని బృందం అక్కడ 14 రోజుల పాటు బస చేస్తుంది. ఈ సమయంలో వారు భారరహిత స్థితిలో పలు కీలకమైన శాస్త్రీయ ప్రయోగాలు నిర్వహిస్తారు. ఈ ప్రయోగం తొలుత మే 29నే జరగాల్సి ఉండగా, ప్రతికూల వాతావరణ పరిస్థితులు, కొన్ని సాంకేతిక సమస్యల కారణంగా పలుమార్లు వాయిదా పడుతూ వచ్చింది.