మిస్ వరల్డ్ గా చెక్ రిపబ్లిక్ భామ

మార్చి 9న భారతదేశంలో జరిగిన మిస్ వరల్డ్ పోటీల 71వ ఎడిషన్‌లో చెక్ రిపబ్లిక్‌కు చెందిన క్రిస్టినా పిస్కోవా విజేతగా నిలిచింది. ఆమె మిస్ వరల్డ్ 2024 కిరీటాన్ని గెలుచుకుంది. ముంబైలోని జియో వరల్డ్ కన్వెన్షన్ సెంటర్‌లో ఈ వేడుక జరిగింది. లెబనాన్‌కు చెందిన యాస్మినా జైటౌన్ ఫస్ట్ రన్నరప్‌గా నిలిచింది. క్రిస్టినాకు 70వ ప్రపంచ సుందరి కరోలినా బిలావ్స్కా కిరీటం బహూకరించింది. క్రిస్టినా.. లా, బిజినెస్‌లో రెండు డిగ్రీలు చదువుతూ కూడా మోడల్‌గా పనిచేస్తోంది. ఆమె క్రిస్టినా పిస్కో ఫౌండేషన్‌ను కూడా స్థాపించింది. 28 సంవత్సరాల విరామం తర్వాత, మిస్ వరల్డ్ ఫైనల్ భారతదేశంలో జరిగింది.