Earth Quake : జపాన్ లో భారీ భూకంపం.. గతంలో ఎన్నడూ చూడని విధంగా

ఆఓమోరి–ఇవాటే తీర ప్రాంతాల్లో 50 సెంటీమీటర్ల వరకు సముద్ర తీరాన్ని అలలు తాకాయి. అయితే ఎలాంటి ప్రాణ నష్టం ఏది నమోదు కాలేదు. ఫైర్ అండ్ డిజాస్టర్ మేనేజ్‌మెంట్ ఏజెన్సీ ప్రకారం 23 మంది గాయపడగా వారిలో ఒకరి పరిస్థితి ఆందోళనకరం. పడిపోయిన వస్తువులతో చాలామంది గాయపడ్డారని ఎన్హెచ్కే తెలిపింది. హచినోహేలోని ఒక హోటల్‌లో పలువురికి గాయాలయ్యాయి. తోహొకులో ఒకరిని కారు గోతిలో పడిపోవడంతో స్వల్ప గాయాలు అయ్యాయి. భూకంపం సోమవారం రాత్రి 11.15 గంటలకు పసిఫిక్ సముద్రంలో తీరానికి 80 కిలోమీటర్ల దూరంలో, భూగర్భం 50 కిలోమీటర్ల లోతులో ఏర్పడింది. హచినోహేలో వణికిన సీసీటీవీ దృశ్యాలు టీవీ చానళ్ళు ప్రసారం చేశాయి.

ఇంత భారీ పగుళ్లు తాను ఎప్పుడూ చూడలేదని స్థానికులు తెలిపారు. భూకంప తీవ్రతకు దాదాపు 800 ఇళ్లకు విద్యుత్ నిలిచి పోయింది. షింకాన్సేన్ బుల్లెట్ రైళ్లు, కొన్ని లోకల్ రైళ్లు నిలిపివేశాయి. 18 రక్షణ హెలికాప్టర్లు నష్టం అంచనా కోసం పంపారు. హొకైడోలోని న్యూ చిటోజే విమానాశ్రయంలో 200 మంది రాత్రంతా నిలిచిపోయారు. హచినోహే ఎయిర్‌బేస్‌లో 480 మంది ఆశ్రయం తీసుకున్నారు. భారీ భూకంప ప్రమాదం పెరిగిందని హెచ్చరించారు. తూర్పు తీరంలో టోక్యోకు తూర్పున చిబా నుంచి హొకైడో వరకు రిక్టర్ స్కేల్ పై 8 తీవ్రత వరకు భూకంపం వచ్చే అవకాశం ఉన్నట్లు చెప్పారు. ప్రజలు అప్రమత్తంగా ఉండాలి అని సూచించారు. ప్రజలు ఆందోళనలో బయటకు పరుగులు తీశారు. మంగళవారం ఉదయం 6.20 గంటలకు ఉత్తర పసిఫిక్ తీర ప్రాంతాల్లోని అన్ని సునామీ హెచ్చరికలను ఎత్తివేశారు.అమెరికా యూఎస్‌జిఎస్‌ ప్రకారం మంగళవారం తెల్లవారుజామున హోంచోకు దక్షిణంగా 5.1 తీవ్రతతో మరో కంపనం నమోదైంది.