Iran - Israel War : ఇరాన్‌కు భారీ దెబ్బ: కీలక భద్రతాధికారుల మృతి

ఇరాన్ - ఇజ్రాయిల్ యుద్ధం రెండో వారంలోకి చేరుకుంది. ఇజ్రాయెల్ దాడుల్లో ఇరాన్‌కు చెందిన ఇద్దరు కీలక భద్రతాధికారులు మృతి చెందడంతో ఆ దేశ నాయకత్వానికి పెద్ద దెబ్బ తగిలింది. ఇదే సమయంలో ఇరాన్ బుధవారం గల్ఫ్ అరబ్ దేశాలు, ఇజ్రాయెల్‌పై క్షిపణులు, డ్రోన్ దాడులను మళ్లీ ప్రారంభించింది. ఇరాన్ సుప్రీం నేషనల్ సెక్యూరిటీ కౌన్సిల్ కార్యదర్శి అలీ లారిజానీ, రివల్యూషనరీ గార్డ్‌కు చెందిన బసిజ్ దళాల అధిపతి జనరల్ ఘోలామ్ రెజా సోలేమాని ఈ దాడుల్లో ప్రాణాలు కోల్పోయారు. యుద్ధం మొదటి రోజే సుప్రీం లీడర్ ఖమేనీ ఎయిర్ స్ట్రైక్‌లో మరణించిన తర్వాత లారిజానీ దేశంలో అత్యంత ప్రభావశీల నేతగా భావించేవారు. జనవరిలో ప్రభుత్వ వ్యతిరేక నిరసనలను అణచివేయడంలో ఈ ఇద్దరూ కీలక పాత్ర పోషించారని ఇరాన్ అధికార వర్గాలు తెలిపాయి.