హాట్‌ ఎయిర్‌ బెలూన్‌ ప్రయాణం విషాదాంతం

హాట్ ఎయిర్ బెలూన్ గాల్లోనే పేలిపోయింది. అందులో ప్రయాణిస్తున్న ఎనిమిది మంది పర్యాటకులు మరణించారు. ప్రమాద సమయంలో హాట్ ఎయిర్ బెలూన్ లో మొత్తం 22 మంది పర్యాటకులు ఉన్నారు. బ్రెజిల్ లోని దక్షిణ రాష్ట్రమైన శాంటా కాటరినాలో ఈ ప్రమాదం జరిగింది. టూరిజం విభాగానికి చెందిన హాట్ ఎయిర్ బెలూన్ లో ఒక్కసారిగా మంటలు చెలరేగి ప్రియాగ్రాండే నగరంలో కూలిపోయింది. ఈ ప్రమాదంలో 13మంది ప్రాణాలతో బయటపడ్డారు. వారిని సమీప ఆస్పత్రుల్లో చేర్పించి చికిత్స అందిస్తున్నారు.