యశ్వంత్ సిన్హాకు భారీ స్వాగతం

నగరంలోని అన్ని నియోజకవర్గాల నుంచి బైక్ ర్యాలీ ప్రారంభమయింది. యశ్వంత్ సిన్హాకు మద్దతు తెలుపుతూ నగరమంతా ఫ్లెక్సీలు వెలిశాయి. మరోవైపు బీజేపీ జాతీయ కార్యవర్గ సమావేశాలు జరుగుతుండటంతో ఆ పార్టీ ఫ్లెక్సీలు, పోస్టర్లతో నగరమంతా నింపేశారు. దీంతో నగరం కాషాయం, గులాబీమయంగా మారింది. అయితే రెండు పార్టీలు పోటాపోటీగా సమావేశాలు ఏర్పాటు చేసుకోవడంతో అనేక చోట్ల ట్రాఫిక్ కు అంతరాయం ఏర్పడుతుంది. సాధారణ ప్రజలు ఇబ్బందులు పడుతున్నారు. చార్మినార్ వద్ద టీఆర్ఎస్ బైక్ ర్యాలీని పోలీసులు అడ్డుకున్నారు. దీంతో అక్కడ పోలీసులకు, టీఆర్ఎస్ కార్యకర్తలకు మధ్య వాగ్వాదం జరిగింది. కొంత ఉద్రిక్త పరిస్థిితి ఏర్పడింది.