హైదరాబాద్ లో ఇకపై 5 రూపాయలకే టిఫిన్

గ్రేటర్​ హైదరాబాద్ లోని ఇందిరా క్యాంటీన్లలో 5 రూపాయల భోజనంతో పాటు ఉదయం అల్పాహారం కూడా పెట్టాలనే నిర్ణయానికి బల్దియా స్టాండింగ్​ కమిటీ ఆమోదం తెలిపింది. 11 ప్రాంతాల్లో కూర్చుని తింటున్న కేంద్రాలను పునరుద్ధరించాలని, 139 ప్రాంతాల్లో షెడ్ల నిర్మాణాలు చేపట్టనున్నారు. అన్నపూర్ణ కేంద్రాలు లక్షలాది మందికి తక్కువ ధరకే నాణ్యమైన భోజనాన్ని అందిస్తూ ఉన్నాయి. ఈ కేంద్రాల పేరును 'ఇందిరా క్యాంటీన్'గా మార్చాలని స్టాండింగ్ కమిటీ నిర్ణయించింది. ఇప్పటి వరకు ఈ కేంద్రాల్లో మధ్యాహ్నం పూట మాత్రమే 5 రూపాయలకు భోజనం అందుబాటులో ఉండేది. ఇకపై ఈ ఇందిరా క్యాంటీన్లలో ఉదయం పూట అల్పాహారం కూడా అందించనున్నారు.