హైదరాబాద్ లో మెట్రో రైలు ఛార్జీలు మరింత పెరగనున్నాయా?

కరోనా సమయంలో ఎక్కువ నష్టపోయిన తమ సంస్థ మెట్రో ఛార్జీలను పెంచుతామని గత ప్రభుత్వం ముందు ప్రతిపాదనలు పెట్టింది. అయితే నాటి బీఆర్ఎస్ ప్రభుత్వం మెట్రో రైలు ఛార్జీల పెంపుదలకు అంగీకరించలేదు. దీంతో ఛార్జీల పెంపుదలను వాయిదా వేసుకుంది. మరోసారి కాంగ్రెస్ ప్రభుత్వానికి ఈ మేరకు ఛార్జీలను పెంచాలన్న ప్రతిపాదనలను పంపనున్నట్లు తెలుస్తోంది. ఇటీవల బెంగళూరులో 44 శాతం మెట్రో చార్జీలు పెరగడంతో, హైదరాబాద్ లో ఎంత పెంచాలన్నది ఎల్ అండ్ మెట్రో సంస్థ లెక్కలు వేసుకుంటుంది. త్వరలోనే దీనిపై క్లారిటీ రానుంది. ఇప్పటికే 59 రూపాయల హాలిడే సేవర్ కార్డు రద్దు చేసింది. మెట్రోకార్డుపై రద్దీ వేళల్లో పదిశాతం డిస్కౌంట్ ఎత్తివేసింది.