Telagngana : రేవంత్ కీలక నిర్ణయం.. హైదరాబాదీలకు గుడ్ న్యూస్

అలాగే హైదరాబాద్ నగరంలో ఏ కేబుల్ కూడా బయటకు కనపడకుండా ఉండేలా అండర్ గ్రౌండ్ లో ఏర్పాటు చేసేందుకు అవసరమైన చర్యలను ప్రభుత్వం తీసుకుంటుందని తెలిపారు. భారీ వర్షాలు, ప్రకృతి వైపరీత్యాలకు తట్టుకునేలా దీనిని నిర్మించాలని, అండర్ గ్రౌండ్ టేబుల్ నిర్మాణం జరిగితే విద్యుత్తు శాఖకు ఇప్పుడు వచ్చే నష్టాలు కూడా తగ్గుతాయని తెలిపారు. విద్యుత్తు చౌర్యం కూడా కుదరదని ఆయన అన్నారు. ఇందుకోసం వివిధ దేశాల్లో అథ్యయనం చేసి తనకు నివేదిక అందిస్తే అందుకు తగిన ప్రణాళిక రూపొందిస్తామని తెలిపారు. హైదరాబాద్ నగరంలో ఎక్కడ పట్టినా విద్యుత్తువైర్లతో పాటు కేబుల్ వైర్లతో ఇబ్బందిగా మారిందిని వీటిని తొలిగించేవిధంగా చర్యలు తీసుకుని, హైదరాబాద్ నగరాన్ని అందమైన నగరంగా తీర్చి దిద్దాలని ఆయన అభిప్రాయపడ్డారు. అదే సమయంలో వచ్చే వేసవిలో విద్యుత్తు సరఫరాలో అంతరాయం లేకుండా కూడా అన్ని చర్యలు తీసుకోవాలని సూచించారు. విద్యుత్తుకు సంబంధించిన ఫిర్యాదులను వెంటనే పరిష్కరించేలా చర్యలు తీసుకోవాలని ఆదేశించారు.