Revanth Reddy : భారీ వర్షాల నేపథ్యంలో ముఖ్యమంత్రి రేవంత్ కీలక ఆదేశాలు

అలాగే పురాతన భవనాలను గుర్తించి వాటిలో ఉంటున్న వారిని ఖాళీ చేయించాలని కూడా ముఖ్యమంత్రి రేవంత్ రెడ్డి ఆదేశించారు. హైడ్రా అధికారులతో పాటు రెవెన్యూ, జీహెచ్ఎంసీ అధికారులు, ఎన్డీఆర్ఎఫ్, అగ్నిమాపక, ట్రాఫిక్, పోలీసుల సిబ్బంది సమన్వయం చేసుకుంటూ ప్రజలకు ఇబ్బందులు పడకుండా చూడాలని కోరారు. జీహెచ్ఎంసీ సిబ్బంది రహదారులపై మ్యాన్ హోల్స్ విషయంలో జాగ్రత్తగా ఉండాలని సూచించారు. వాతావరణ శాఖ మరో మూడు రోజుల పాటు భారీ వర్షాలు ఉంటాయని సూచించడంతో అధికారులందరూ ఉదయం నుంచి రాత్రి వరకూ విధుల్లో ఉండాలని, జీహెచ్ఎంసీ కార్యాలయంలో కంట్రోల్ రూమ్ ఏర్పాటు చేయాలని ఆదేశించారు.