Revanth Reddy : జనంలోకి ముఖ్యమంత్రి.. భద్రతను పక్కన పెట్టేసి

తెలంగాణ ముఖ్యమంత్రి రేవంత్ రెడ్డి నిత్యం ప్రజల్లో ఉండాలని కోరుకుంటారు. ఏ ఈవెంట్ ను అయినా వదులుకోరు. ప్రజల్లో ఒకడిగా మెలిగేందుకు నిరంతరం ప్రయత్నిస్తుంటారు. గత ముఖ్యమంత్రి కేసీఆర్ కు భిన్నంగా ప్రయత్నించాలన్నది రేవంత్ రెడ్డి అభిప్రాయంగా ఉంది. గతంలో కేసీఆర్ జనంలోకి పెద్దగా వచ్చేవారు కాదు. కానీ ముఖ్యమంత్రి రేవంత్ రెడ్డి ఏ సందర్భం వచ్చినా వెంటనే జనంలోకి వెళ్లిపోవాలని చూస్తారు. ప్రొటోకాల్ ను పక్కన పెడతారు. భద్రతను గురించి పట్టించుకోరు. తేడా చూపించాలన్నది ఆయన ఉద్దేశ్యంగా కనిపిస్తుంది. గతంలో ఏ ముఖ్యమంత్రి చేయని విధంగా గణేశ్ నిమజ్జనం సందర్భంగా నిమజ్జనం జరిగే సమయంలో జనంలోకి వచ్చి వారిలో కలసిపోయారు.