Hyderabad : హైదరాబాద్ మంచినీటి కొరత.. వృధా చేశారో.. మీ జేబుకు చిల్లే..భారీ జరిమానా

తాగునీటిని వృధా చేస్తే చర్యలు తప్పవని హెచ్చరించారు. హైదరాబాద్ నగరంలో రోజురోజకూ జనసాంద్రత పెరగడం, మంచి నీటి సరఫరా పెరగకపోవడంతో సరిపడినన్ని మంచినీటిని జలమండలి నగరవాసులకు అందించలేకపోతుంది. ఇప్పటికే రోజు మార్చి రోజు మంచినీటి సరఫరాను చేస్తుంది. పరిస్థితి మరింత తీవ్రమయితే రెండు రోజులకు ఒకసారి కానీ మంచినీటి సరఫరా చేయలేని పరిస్థితి ఉందన్నది వాస్తవం. ఈ నేపథ్యంలోనే తాగునీటితో ఇంటిని శుభ్రం చేసినా, కార్లు, బైకులు కడిగినా జరిమానాలు విధిస్తామని హెచ్చరించింది.

ఇందుకోసం జలమండలి అధికారులు ప్రత్యేక యాప్ ను తీసుకు వచ్చారు. నీటి దుర్వినియోగాన్ని అరికట్టేందుకు జలమండలి పానీ యాప్ ను అందుబాటులోకి తీసుకు రావాలని యోచిస్తుంది. ఈ యాప్ ద్వారా ఎవరైనా మంచినీటిని దుర్వినియోగం చేస్తున్నట్లు వీడియోలు తీసి పంపితే వెంటనే జరిమానాలు విధించేందుకు సిద్ధమయ్యారు. అయితే కేవలం స్థానికులు మాత్రమే కాకుండా నగరంలోని వివిధ స్వచ్ఛంద సంస్థలకు చెందిన వారిని వాలంటీర్లగా ఎంపిక చేసి మంచినీటి దుర్వినియోగంపై నిఘా పెట్టాలని నిర్ణయించింది. నీటిని ఎవరైనా దుర్వినియోగం చేస్తే వెంటనే వారికి భారీ జరిమానా విధించనుంది.

హైదరాబాద్ నగరానికి పన్నెండేళ్ల క్రితం అంటే 2014లో 600 ఎంజీడీ మంచినీటిసరఫరా చేసేది. హైదరాబాద్ లో మొత్తం పథ్నాలుగు లక్షలకు పైగానే మంచినీటి కనెక్షన్లున్నాయి. అయితే పన్నెండేళ్ల నాటికి ఇప్పటికీ జనాభా విపరీతంగా పెరిగింది. అనేక పరిశ్రమలతో పాటు కొత్త కొత్త పరిశ్రమలు, హోటళ్లు వంటివి నెలకొల్పారు. జనాభా కూడా దాదాపు కోటిన్నర దాటిందని అంటున్నారు. ఇంతమందికి తాగునీటిని సరఫరా చేయడానికి 600 ఎంజీడీ మంచినీరు సరిపోకపోవడంతో కొరత ఏర్పడిందన్న వాదన కూడా ఉంది. నీటిని దుర్వినియోగం చేసే వారిపై జలమండలి అధికారులు ఉక్కుపాదం మోపనున్నారు.