Revanth Reddy : సినీ కార్మికులకు రేవంత్ రెడ్డి గుడ్ న్యూస్

చిత్రపరిశ్రమ కార్మికులకు ముఖ్యమంత్రి రేవంత్ రెడ్డి వరాలు ప్రకటించారు. ఫోర్త్ సిటీలో చిత్రపరిశ్రమ కార్మికులకు అవసరమైన ఇళ్ల స్థలాలు కేటాయిస్తామని చెప్పారు. ఇక పెద్ద సినిమాలు నిర్మించిన వారు తమకు వచ్చిన లాభాల్లో ఇరవై శాతం కార్మికులకు ఇచ్చే విధంగా నిర్మాతల మండలితో చర్చించి వారిని ఒప్పించేందుకు తాను ప్రయత్నిస్తానని చెప్పారు. ఎక్కువ మంది కార్మికులు రాత్రినక, పగలనక, ఎండనక, వాననక పనిచేస్తేనే చిత్రం రూపుదిద్దుకుంటుందని, లాభాల్లో వారికి వాటా ఇవ్వాల్సిందేనని ముఖ్యమంత్రి అభిప్రాయపడ్డారు. అలాగే కృష్ణానగర్ లో ప్రభుత్వ స్థలం ఉంటే చూసి అక్కడ సినీ కార్మికుల పిల్లలు చదువుకునేందుకు కార్పొరేట్ స్థాయిలో పాఠశాలను నిర్మించి ఉచితంగా విద్యను అందచేస్తామని రేవంత్ రెడ్డి హామీ ఇచ్చారు.