Manchu Manoj : మా నాన్న దేవుడు.. మంచు మనోజ్ సంచలన కామెంట్స్

విజయ్ అనే వ్యక్తి తనపై దాడి చేశారన్నారు.ఈ విషయం తాను డీజీపికి కూడా ఫిర్యాదు చేశానని అన్నారు. తాను ప్రేమించిన అమ్మాయిని పెళ్లి చేసుకున్నానని మంచు మనోజ్ తెలిపారు. తాను రూపాయి తీసుకోకుండా సినిమాలకు పనిచేశానని చెప్పారు. తాను దొంగతనం చేసి వేరే వాళ్ల కడుపులను కొట్టి బతుకుదామని తనకు లేదన్నారు. తన భార్యపై అవనసర నిందలు మోపుతున్నారన్నారు. మా నాన్న భుజంపై తుపాకీ పెట్టి కాలుస్తున్నారన్నారని మంచు మనోజ్ తెలిపారు. ఆస్తుల కోసం కాదని, మంచి కోసమే నిలబెడతానని, సాయంత్రం అన్నివిషయాలను మీడియాకు చెబుతానని తెలిపారు. తాను రాచకొండ కమిషనర్ ఎదుట విచారణకు హాజరవ్వడానికి వెళుతున్నానని తెలిపారు. మీడియాతో మాట్లాడుతూ ఆయన భావోద్వేగానికి గురయ్యారు.