హైదరాబాదీ బిర్యానీకి ప్రపంచ ఖ్యాతి

ప్రముఖ ఆన్‌లైన్ ట్రావెల్ గైడ్ 'టేస్ట్ అట్లాస్' విడుదల చేసిన 'వరల్డ్స్‌ బెస్ట్‌ రైస్‌ డిషెస్‌ లిస్ట్‌ ఆఫ్‌ 2025' లో హైదరాబాదీ బిర్యానీ టాప్ 10లో నిలిచింది. ఈ ప్రతిష్ఠాత్మక జాబితాలో 10వ స్థానాన్ని దక్కించుకుంది. టాప్ 50లో చోటు సంపాదించిన ఏకైక భారతీయ వంటకం కూడా ఇదే. ప్రపంచవ్యాప్తంగా ఉన్న ప్రముఖ చెఫ్‌లు, ఫుడ్ క్రిటిక్స్‌ సమీక్షలు, పర్యాటకులు ఇచ్చిన రేటింగ్స్ ఆధారంగా టేస్ట్ అట్లాస్ ఈ ర్యాంకింగ్‌ను ఖరారు చేసింది. భారత్‌లో పలు ప్రాంతాలకు చెందిన ప్రసిద్ధ బిర్యానీలు ఉన్నప్పటికీ, వాటన్నింటినీ వెనక్కి నెట్టి హైదరాబాదీ బిర్యానీ అగ్రగామిగా నిలిచింది. ఈ జాబితాలో తొలి మూడు స్థానాల్లో నెగిటోరోడాన్‌, సుషీ, కైసెన్డాన్‌ వంటి జపనీస్ వంటకాలు నిలిచాయి.