వామ్మో.. ఈరోజు హైదరాబాద్ లో ఉష్ణోగ్రత ఎలా ఉందంటే?

గ్రేటర్ హైదరాబాద్ మునిసిపల్ కార్పొరేషన్ (GHMC) లిమిట్స్ లో ఉష్ణోగ్రతలు భారీగా పెరిగిపోయాయి. మార్చిలోకి అలా అడుగుపెట్టామో లేదో హైదరాబాద్ లో ఎండలు మండిపోతున్నాయి. ఈరోజు బేగంపేట (38.6 ° C), సరూర్‌నగర్ (38.3 ° C) లలో 38 ° సెల్సియస్‌ ఉష్ణోగ్రతలు దాటిపోయాయి. కార్వాన్ (37.7°C), జూబ్లీహిల్స్ (37.6°C), యూసుఫ్‌గూడ (37.6°C)లు GHMC పరిధిలోని టాప్ 5 హాటెస్ట్ ఏరియాల్లో ఉన్నాయి. పలు ప్రాంతాల్లో 37 డిగ్రీల ఉష్ణోగ్రతను తాకాయి. తెలంగాణ స్టేట్ డెవలప్‌మెంట్ ప్లానింగ్ సొసైటీ (TSDPS) ప్రకారం, రాష్ట్రంలో రాబోయే మూడు రోజులు పొడి వాతావరణం ఉంటుందని.. గరిష్ట ఉష్ణోగ్రతలు 38 డిగ్రీల సెల్సియస్‌ను తాకే అవకాశం ఉందని హెచ్చరించారు. GHMC పరిధిలో, గరిష్ట ఉష్ణోగ్రతలు 34° నుండి 36°C వరకు, కనిష్ట ఉష్ణోగ్రతలు 21°C నుండి 23°C వరకు ఉండనున్నాయి.