Hyderabad : వర్షం తెచ్చిన తంటా.. ఇబ్బందుల్లో హైదరాబాదీలు

హైదరాబాద్ లో భారీ వర్షం కురుస్తుంది. గత రెండు గంటల నుంచి కురుస్తున్న వర్షానికి రోడ్లన్నీ జలమయమయ్యాయి. ప్రధానంగా ఉప్పల్, ఉస్మానియా యూనివర్సిటీ, విద్యానగర్, నల్లకుంట, ఎల్బీనగర్, చైతన్యపురి, దిల్ సుఖ్ నగర్, సరూర్ నగర్ , సికింద్రాబాద్, మేరేడుపల్లి, చిలకలగూడ ప్రాంతాల్లో భారీ వర్షం నమోదయింది. రోడ్లపైకి వరద నీరు చేరడంతో విద్యాసంస్థల నుంచి బయలుదేరిన విద్యార్థులు తీవ్ర ఇబ్బందులు పడుతున్నారు. ముఖ్యంగా స్కూలు బస్సులు, ఆటోలు వర్షపు నీటిలో చిక్కుకున్నాయి. రోడ్డు మీద నీరు చేరడంతో కొన్ని చోట్ల మొరాయించాయి. దీంతో వాహనాలను తోసుకుని ముందుకు రావాల్సి వచ్చింది. ఇంజిన్ లోకి నీరు పోవడంతో ద్విచక్ర వాహనాలు మొరాయించాయి.